七月怪談:一人OT心慌慌 深夜係辦公室唔好做呢3件事

係農曆七月呢啲日子,大家都會打醒12分精神,事關大家都唔想見到啲唔應該見到嘅嘢,不過有時有啲嘢有得避,有啲嘢又好似冇喎,道理就好似老細係你放工之前先俾嘢你做無分別。好似《請勿開聲》嘅女主角咁,臨收工先因為老細突然比嘢佢做而要一個人OT,最後發現,原來間公司入面,仲有第二「個」。所以話喺夜晚呢啲陰盛陽衰嘅時份,仲要自己一個OT都咪話唔驚。其實除咗自己一個OT,以下呢幾樣嘢大家都唔好做啦。

1. 亂拎野返屋企

農曆七月因為好多人係街邊祭祀,好多時會有祭品或者一啲硬幣, 大家千祈唔好因為貪心而拎走佢哋,尤其如果你執到嘅係雨傘,更萬萬不可。如果唔係真係分分鐘唔知招惹咗啲咩返屋企。

2. 唔好亂拍膊頭

片段入邊女主角嘅同事係返咗辦公室之後就拍左女主角一下膊頭,不過大家係現實就千祈唔好咁做,除咗會嚇親人之外,而且人嘅膊頭同埋額頭一共有三把火,俾人拍識咗就會比較容易見到朋友仔。

3. 凌晨搭電梯唔好照鏡

如果你不幸真係係公司留到好夜先走,搭𨋢嘅時候記得千祈唔好照鏡,因為鏡好多時會反映咗一啲現實睇唔到嘅嘢,你都唔想因為好奇而嚇親自己咖嘛。