上一秒講完下一秒講出去 想呢幾個星座保守秘密好難?

Coco

閨蜜之間有數不清咁多個秘密,次次講之前都會講一句「你記住唔好同其他人講呀」「我淨係話俾你一個人知咖咋」,但對方又係咪真係可以堅守秘密,能夠忍住唔講出去呢?睇下邊個星座最難幫你守秘密啦!


#1:射手座

射手性格直率,叫佢地保守秘密真係好難,佢地好多時都會忍唔住同其他人講。而且佢地認為係真話嘅話就無隱瞞嘅必要,加上佢地講野嘅時候傾向誇張化,所以射手向他人講述你嘅秘密時會加添一份戲劇效果。

 

#2:雙子座

雙子消息向來都好靈通,唔洗本人同佢地講秘密,佢地都可以由不同嘅途徑知道各種秘密。最重要嘅係雙子向來口多,即使你再三叮囑佢要保守秘密,佢都係有極大嘅機會喺閒聊嘅時候唔小心分享咗出嚟。

 

#3:白羊座

白羊與射手同樣直率,其實佢地都好想忍住個秘密唔講,但好多時佢地都會口快快咁衝口而出,將所有野講哂出嚟。尤其係當佢地處於情緒激動嘅狀態果陣,就會好容易將心底嘅秘密吐露出嚟。