俾人背後中傷,6個方法大方地反擊!

Cosmopolitan.com.hk

發現自己俾同事、朋友背後中傷,有邊個會唔爆?!

Cosmopolitan.com.hk

但嬲一陣好喇,因為真係唔值得為呢啲人嘥時間,處理咗啲是必要處理嘅嘢先係正經事。

Cosmopolitan.com.hk

步驟1. 保持冷靜

盡量...唔好喺自己嬲爆時作出第日後悔嘅行動,俾幾分鐘甚至幾個鐘甚至幾日(睇事件緩急),自己去消化下個消息,然後先採取行動。

Cosmopolitan.com.hk

步驟2. 查證事實

流言嘅嘢,一傳十,十傳百,嚟到你耳邊個故事可能已經變咗10次種,所以唔好一下子就下結論,先從最根本嘅資料著手調查,雖然有時未必可以睇到事實嘅全部,但起碼可以將啲唔關事嘅枝節刪走。

Cosmopolitan.com.hk

步驟3. 危機控制

掌握咗件事嘅來龍去脈之後,就要評估下成個情況,有咩傷害造成咗,邊啲方面唔使理,邊啲方面是必要處理,以將損失(包括聲譽、關係、潛質嘅客戶)減至最低,睇下有無方法補救,有無需要向邊啲人澄清。

Cosmopolitan.com.hk

步驟4. 處理搞事者

如果中傷你嘅人係對你好重要嘅人,以前又未試過咁,不妨先評估下有無原諒佢嘅空間,如果有,可以同佢傾下,睇下大家係咪有誤會。但如果嗰個人已經唔係第一次傷害你,就要認真考慮切斷關係,因為呢啲情況只會不斷重複,帶嚟負能量、壓力同傷害,繼續做「朋友」 落去,只係浪費時間,但要小心處理,因為有啲人報復心好強,要做足防衞準備,唔好俾位人哋入。

Cosmopolitan.com.hk

步驟5.放手

做咗你認為必要嘅澄清同行動之後,就要放手,保持輕鬆心情,唔好過分用力去控制件事,反正世界上有好多事都唔係你想控制就控制到,不如將啲心思放喺更有營養嘅事上。

Cosmopolitan.com.hk

步驟6. 實際行動係最有力嘅聲明

無論把口講幾多,都係得個講字,一個心哋唔好嘅人係咁話自己係好人,甚至以踩低人嚟抬高自己,都唔會令佢成為真正嘅好人,但一個人嘅真實行為就可以好實在而有力咁代表到佢,只要繼續做美好嘅事,表裏一致,付諸實行,其他人點講點諗,都影響唔到你嘅本質!


前往瀏覽完整內容:

俾人背後中傷,6個方法大方地反擊!