一個月輕鬆10磅以上?跟日本妹學兩大懶人減肥法!

成日話要減肥,但係一講到做運動又懶…唔駛怕,即刻教你兩個日本大熱嘅懶人減肥方法,唔使特登去跑步做Gym,都可以每個月輕鬆幫你減10磅肥膏!

1.行路減肥法

近期由日本院長發明,聲稱每日只要用正確姿勢行300步,一個月就可以輕5公斤!

呢個方法有3大重點,第1點係行路時收小腹,踏出嘅第一隻腳個膝頭及大小腿要伸直,腳尖朝向前進方向。

第2點,準備起步嘅後腳要伸展,將重心放喺前腳,令前腳腳踝、膝頭、腰、膊頭同耳仔成一條垂直直線。當小腿肌肉收縮,就可以令腳部血液回流入心臟,改善水腫問題。

第3點,千析唔好用力踩地,應重覆重點二嘅伸展方式,腿部往前伸出,預防腿部變粗同緊繃。有患者實行1個月後瘦5公斤,連橙皮紋都冇埋,同時去水腫及改善便秘。

2.啤酒減肥法

酒鬼聽到一定好開心!有日本妹靠飲啤酒,1個月內減10kg!究竟有咩技巧?

啤酒入面嘅啤酒酵母,含有好多膳食纖維,幫助食物消化時吸收脂肪。另外啤酒仲有大量維他命B同埋礦物質,可以促進體內脂肪代謝,對減肥好有幫助!啤酒中嘅碳酸仲可以幫助刺激腸胃蠕動,連便秘問題都可以解決。飲完酒亦可以促進身體血液循環,連新陳代謝都會變好!另外酒精仲可以幫助抑制體內糖分快速升高,促進胰島素分泌,有分解及降低葡萄糖效果,果然益處多多!

雖然話啤酒可以減肥,但唔不代表可以放肆飲。啤酒裡面嘅碳酸,會令人好易有飽肚感,建議晚餐時搭配飲用,但係晚餐就最好避免進食碳水化合物類,同埋熱量過高嘅食物,啤酒配炸雞?咪諗!一日最多飲500ml好喇,過量一樣會致肥!

圖片來源:wear.jp、pakutaso