做人女朋友 最怕做到畀人形容為「管家婆」

「X個好朋友特點」、「X個女人必須有嘅性格」呢類文章大家都應該睇到厭,當中嘅共通點,一定係有「細心」呢回事。我哋將「細心」拎出嚟講,男人嘅角度當然就係有一個事事為你設想,幫你處理好所有事務,仲會善意提醒你各種事情嘅女人;但好多女人就唔係咁睇,對於「細心女朋友」,好多女仔就會演化成超級控制狂女友!無論事無大小,小至好似片中男朋友著咩底褲都要理,或者食乜飲乜都要管,咁就為之控制狂。要拿捏呢件事,可以點?有幾個好簡單嘅口訣,女士們請記緊。

積極不干預

我哋政府對市場用嘅策略,即係話你要關心,但就永遠唔好插手;你可以關心男朋友著咩底褲,問佢會唔會損會唔會唔舒服,但就無需要出手幫佢買;可以關心男朋友Lunch食咗咩,但就唔佢「唔好食咩咩咩」,明未?

小事由他,大事由己

做女人要識得畀位男人上,唔係下下一定要爭贏男人架,男人係需要尊嚴嘅動物,更加有一副小朋友嘅爭勝心,唔可以次次都女朋友贏晒威晒;最好就係小嘅事由得男人自己決定,到大事先「一齊」決定。

唔識就聽,唔聽咪出聲

作為男人,最怕女人煩,如果你決定要插手男朋友嘅習慣,就一定要知道得清清楚楚,例如男人點解鍾意著孖煙通?唔識唔明,就出聲問;如果你唔問又要理,男人就會覺得你煩,就係咁簡單!