動物系男友的吵架和好方式,你家男友是哪一種?

Cosmopolitan.com.hk

無論情侶定夫妻都好,爭執吵架在所難免,咪又係床頭打交床尾和!好多時嗌交嘅內容更加係極級無聊,莫非都係想對方關心緊張自己多啲!和好嘅方式有好多種,唔知以下呢幾種動物系男友吵架和好方式邊種最得你歡心?你家寶貝又屬於邊種呢?

1. 獅子系

▲ Cosmopolitan.com.hk

獅子系男友顧名思義有著獅子嘅特質,平時大男人超霸氣,去到吵架道歉都要keep返霸氣。霸氣哥要超威風咁講啲肉麻嘅嘢,好似「呢度所有嘢你都可以帶走,但你係我嘅,所以唔可以帶走!」超級獅子系男友更會出動撩妹金句,或者嚟個壁咚,令到怒火中燒嘅女朋友瞬間sweet爆!

2. 熊系

▲ Cosmopolitan.com.hk

熊系男友比獅子系男友更識氹女朋友,因為佢哋唔係淨係識得用語言撩妹,仲會採取行動!突然嚟一個背後熊抱,抱著唔好放!呢一種突如其來嘅霸氣一定殺你一個措手不及,一定可以令女朋友怦然心動!

3. 犬系

▲ Cosmopolitan.com.hk

顧名思義好痴人,犬系男友對你無條件忠心耿耿,你去到邊佢會陪你去到邊,仲超識嗲你!為咗令你下咗啖氣會用無辜嘅眼神加埋小禮物道歉。

 

4. 貓系

▲ Cosmopolitan.com.hk

忽冷忽熱應該係形容貓系男友最貼切嘅形容詞!貓系男友平時超冷酷,但係一嗌交就會立刻變臉,道歉嘅時候手腳並用想盡辦法靠近你身邊,去搓揉摸摸氹你開心,突然變得溫柔。由cool爆男友突然變得嬌嗲,呢種反差邊有女仔受得住?!係韓劇橋段嚟㗎喎!

5. 鸚鵡系

▲ Cosmopolitan.com.hk

煩死人啦!!!鸚鵡系男友採取瘋狂重複道歉嘅攻勢,不停無間斷地重複同一句句子,瘋狂講「對唔住!」、「原諒我!」、「唔好嬲啦!」,就係想你覺得煩,然後最終頂佢唔順原諒佢!

推薦閱讀:

分手,才是殘酷的開始

暖男快來拯救她!廢物女友的6個生活日常

SOGO Thankful Week 2018必買套裝!精選11月崇光感謝周年慶抵買美妝品



Follow us on:

  • Facebook: CosmoHK
  • Instagram: @cosmopolitan_hk
  • YouTube: CosmopolitanHK