原諒另一半出軌之後 重建婚姻方法+抗拒性行為原因

婚姻建基於愛及信任,有些女士因為過去,份外無安全感,終日疑神疑鬼。曾經有位女性朋友,男友出軌多年,直至小三懷孕搵上門,迫使男方做出決定,「負責任地」比錢小三墮胎兼割蓆,返去女友身邊。雖然女方原諒佢,但要求無時無刻追蹤到對方定位,亦不準對方Miss Call,否則分手!雖然條件苛刻,但男友總算帶罪立功,結果二人結婚生子,開開心心到現在。

對於另一半曾經出軌,你選擇原諒的話,就唔好Check嚟Check。明愛性治療服務性治療師古錦榮就唔係咁睇:「呢個係重建信任的一種方法,最重要係雙方同意,但要注意這不是監察,亦不是守行為,而係出軌者重視被出軌者的表示,當信任慢慢重建後,便不需要了!」古錦榮亦表示,出軌後唔係話同第三者「斬纜」就代表「雨過天晴」,同另一半真誠的道歉,兩口子共同搵出問題所在並作出改變才是上上策。

但婚姻重建初期,好多被出軌者都會抗拒性行為,又或雙方多咗好多性行為,前者係因為覺得對方污糟,又或怕對方諗住第三者;後者係因為怕自己滿足唔到對方,對方又會出去偷食!古錦榮表示:「唔做愛唔代表唔愛對方,只係大家要再重建親密度,不妨從身體接觸開始,搵返拍拖時的感覺,慢慢適應就可以改善性生活的質素,不能操之過急!」

不過說到底,無論新婚定金婚,做女人的都不時要提高警覺,除了靠直覺外,古錦榮亦提出了出軌的5大蛛絲馬跡,大家不妨留意以下Check List,如果全中的話,千萬不要立即質問,反而先關心對方的工作情況,多關心他,令他回頭是岸!

1. 相處方法改善

相處方法會變得兩極,一係冷淡,一係對你好咗,前者好明顯因為有第三者的出現,後者則因為內疚而善待你。

2. 留意自己外型

出軌者會份外注意自己的衣著、髮型,平時唔做運動的話,會突然做運動,希望可以減肥或Keep Fit。

3. 手機作怪

手機無啦啦會Set密碼或改密碼,講電話會行開,總之多咗好多私人空間及時間。

4. 經濟開支增加

話晒多咗個第三者,又要食飯睇戲兼送花,開支自然增加。

5. 假期好忙

即使係假期都份外忙,一時又話要返工,一時又話有男人聚會或打波之餘,總之少咗時間陪你。

相片來源:《非分熟女》、《偽裝不倫》、《雛妓》劇照、pakutaso


更多相關文章

iPhone隱藏功能 4步Check伴侶有冇出軌!|新蚊Gadgets|

【她她她的少女時代】劇中曹永廉精神上的出軌 現實該如何面對?

「你跟那個女人是否也曾經……」追問出軌細節,更讓自己深陷痛苦之中?