【吳啟明司機】馬路炸彈一個都嫌多 逆線行車變常見

日前前藝人吳啟明嘅司機車竟然逆線走入中環灣仔繞道,嚇煞所有司機,其司機仲要一直無停車或調頭,反而要其他車慢駛畀佢過。事件發生後難得係連警察一哥都出聲。後來吳啟明終於話佢司機已經前往警署自首;目前正以「危險駕駛」接受調查。

近幾年出現咗一個詞彙「馬路炸彈」,多數用以形容喺馬路上胡亂行車嘅司機,普遍見於逆線行車、亂煞車、亂轉線等;所謂炸彈即係話隨時出事,今次無事,唔代表下次唔會。一直以嚟,好多人都笑言「女人開車」最危險,尤其網絡上經常都指責女人喺馬路上好恐怖,但觀乎今次出事嘅係一位職業司機,全因為新路開通不久以致出現意外誤入,所以話未必一定係女人開車先出事。

另一點同樣要澄清一下,馬路炸彈其實唔止講開車人士,其實一般行人都好應該時刻警覺,雖然目前香港法例係幾乎100%保障行人,以致好多亂過馬路或者唔按交通規則嘅行人出意外時,都只有司機要受刑責。畢竟你哋嘅合作,唔單止保障自己,仲係同時保障司機呢。