告別單身!未婚閨蜜未必懂你的5件事

Cosmopolitan.com.hk

閨蜜本是女人肚裡的蟲,你不必開口,一個眼神,閨蜜就能懂你心、知你意。因為閨蜜與你一起走過無數關口,你經歷過的,閨蜜都試過。不過,成家這回事,卻未必所有閨蜜都懂。

Cosmopolitan.com.hk

即將或已告別單身的你,可有覺得未婚閨蜜開始不懂你?你滔滔不絕地發表見解,她們只能聽而不能徹底分析;你的每個安排,她們都不能理解,你不禁心裡想:「閨蜜已經不再明白我?」 

其實不然。以下5件事,未婚閨蜜未經歷過,根本不會明。

Cosmopolitan.com.hk

有閨蜜聽到被求婚的姊妹居然早2年開始籌備婚禮,第一反應是「洗唔洗咁快呀?」

的確,香港新娘子早在1-2年前就要book定酒席、新娘化妝師(MUA)、攝影師等,唔及早開始籌備,根本無機會mark實高質人選。不過在閨蜜立場,只會覺得你太心急、過份緊張罷了。

Cosmopolitan.com.hk

新娘影多過1輯婚紗相,已成平常事。未婚閨蜜卻仍然停留一生人一本婚紗相簿的思想。「反正影完婚紗相都係擺床底,唔會再睇返,點解要嘥錢影咁多輯?」

Cosmopolitan.com.hk

閨蜜啊,到你結婚就知道,世上引誘太多,當你發現有幾件新到婚紗好靚,但大日子婚紗已定,唯有靠影多輯滿足一下;喺本地影完室內及戶外景,又發現日韓櫻花、紅葉季景色好吸引;當有攝影師做勁抵優惠時,又忍唔到手。總之,一生人一次魔咒,令你不得不趁機多影幾輯!

Cosmopolitan.com.hk

一生人一次婚禮,儀式搞到成場大龍鳳咁,未結過婚嘅人會覺得太誇張,當新娘呻婚禮超預算時,閨蜜提你cut budget但佢又cut唔落手,自招煩惱。

 

Cosmopolitan.com.hk

其實婚禮有好多開支都唔輪到新娘話事,未來奶奶放聲一定要喺五星級酒店擺酒;老爺又話要請曬鄉下親戚,50圍走唔甩...最後只能換走自己最鍾意嘅婚紗,但都幫補唔到好多。

 

Cosmopolitan.com.hk

既然以好姊好相稱,閨蜜自然認定自己必是姊妹團最佳人選。可惜最終名單沒她份,不禁懷疑自己地位。

 

Cosmopolitan.com.hk

要做婚禮姊妹團,唔止要夠friend,更要有專長,細心(照顧新娘)、識招呼人(迎賓)、管錢有道(收人情)等等都係姊妹團條件。如果新娘擁有太多閨蜜,唔能夠請某某做姊妹團,一定要解釋清楚,以免心中有隔閡。

 

Cosmopolitan.com.hk

好姊妹大肚了!在閨蜜眼中就只有「做契媽」一個想法,卻不懂你的憂慮,例如要順產定開刀;公院定私院生;請陪月定搵奶奶湊,所有閨蜜未經歷過的階段,你都要自己捱過!

 


前往瀏覽完整內容:

告別單身!未婚閨蜜未必懂你的5件事