周末性趣:令你隨時做父母的5大性愛謬誤

男女情到濃時發生親密關係係自然不過嘅事,但係好多時都係想享受個過程而唔係真係想生小朋友。加上男士一般都睇唔少成人動作片,從中學習同學習技巧然後有機會就試去實踐,但事實上好多片都係有戲劇效果同後製信唔過,如果唔小心將內容當真,隨時好小心做埋爸爸媽媽。

肛交

諗住由後門就會安全無事,但其實後面同陰道位置咁接近,大家纏綿嘅時候總會好激動,難保精液會進入陰道。

用牙撕開安全套

因為對手唔得閒,或者女方可能會覺得比較誘人而用牙撕開安全套個包裝,但呢個動作好容易唔小心就會咬爛咗個套都唔知。

隔住底褲

前戲未埋牙時都會有好多唔同嘅磨擦動作,但事實上男性即使未射精前都會有含有少量精子嘅前列腺液流出,一樣有機會中奬。

完事後愛撫

完事後都會繼續攬下錫下,但如果接觸到女方下面,同樣有機會令精液接觸到陰道。

計安全期

計算安全期似乎好準確,甚至有app幫人計算,但係女方嘅經期隨時因為藥物、壓力、精神等原因而改咗期。

相片來源:paradisefotografias , icasais @tumblr