周末性趣:安全措施好緊要 有關避孕的四件事

係依家呢個時世,無論大人定細路,做人都甚艱難,大嘅又要為咗搵餐飯食做到死下死下,細嘅又為咗要入名校入大學幾乎童年都無埋,不過最慘都係屋企又有大又有細,所以話未諗清楚嘅話,真係千祈唔好亂咁製造下一代,唔係到時你又痛苦佢又辛苦。如果想避免意外發生,大家記得要做足安全措施,好似以下呢四點就一定要小心。

1.食藥要定時
如果選擇食藥方法嘅朋友,記得要記清楚幾時要食,始終藥效一定要定時定量先至可以發揮到功效,如果遲咗食或者食少咗,就記得要小心啲啦。

2.潤滑劑勿亂用
有啲人會有用潤滑劑嘅習慣,好似係凡士林或者BB油,不過呢種物料其實比較容易令到condom鬆弛並破裂,導致受孕。

3.殺精劑真有效?
其實使用殺精劑並唔能夠保證完全徹底消滅精子,而根據調查殺精劑成功率大概係85%,所以用之前記得要衡量係咪要冒險。

5.堅守condom把關
啲人成日都覺得有定時食藥就唔需要戴condom,無論係食藥定係condom,都唔係100%可以保證安全,所以如果無生育下一代嘅計劃,最好都係用condom把關。

相片來源:sensualkisses@tumblr