周末性趣:偷食話咁易 4個促成偷食的「理想」條件

正所謂十個男人九個壞,無論拍緊拖定結咗婚的男人亦有機會出去偷食。計我話,每個人心中都存在著一隻魔鬼,只要意志力低,加埋「理想」的偷食條件,自自然然造就「偷食」呢回事。咁所謂的「理想」偷食條件究竟係咩?女生們不妨留意以下呢4個條件,睇下你地中幾多樣?

女生比自己更忙

女生工作比男生忙,根本無時間陪對方,男生自自然然自己搵節目,好似搵朋友食飯飲野,當寂寞感覺進一步昇華個陣,偷食念頭自然出現。

女生太強

如果女生係解決日常問題定工作上的能力都比男生強,男生自尊心都受創,可能會找一個更需要被照顧的女生。

證明自己魅力

結婚久了一樣有偷食的危機。男人去到中年,有機會心癢癢想證明一下自己的魅力,如仍能溝到女的話,自信心都返晒嚟。

經常出差

人在外地,總係份外自由,無論係同行的女同事或新相識的朋友,帶佢返酒店房傾傾下計,偷食話咁易。

相片來源:2reflectionsinto1 @Tumblr