周末性趣:一天的好開始 晨早愛愛的4大好處

大家會係咩時份愛愛呢?相信大多情侶,都會選擇在晚上愛愛,臨訓前大戰一場,既無時間限制,完事後又可以相擁一起入睡,是多麼美滿的事。但當然有不少熱戀情侶,特別鐘意來個「晨操」,兩口子在睡眼惺忪時翻雲覆雨至醒神,為美好的一天叉足電。咁究竟晨早愛愛有咩好處?以下呢4點大家可以參考下。

1. 男人性慾高峰期

好多調查顯示,男人性慾高峰期為早上6點到9點,呢個時候係男士們最猛最堅挺,而女生亦可好好享受性福。

2. 晨間運動一舉兩得

幾時都話運動令人身心健康,而愛愛60分鐘等如於慢跑30分鐘所燃燒的卡路里,既可享受床上樂趣,又有燒脂效果,一舉兩得。

3. 整日神采飛揚

激情過後,令女生全日紅粉菲菲,自然紅潤的好氣色,就連素顏都一樣上鏡。

4. 不再懶床

寒冷天氣令人唔想離開暖暖的披窩,晨早愛愛可以令大家從半夢半醒的狀態下醒過來,完事後不再懶床立即起床上班去。

相片來源:sweetcoupleseverywhere @tumblr