在家工作更有效率?前提係做足以下幾點

唔少國際大型企業,都開始實施畀員工自行決定通勤返Office工作,或者可以留喺屋企。事實上唔少研究都證明,傳統辦公室工作模式未必有效率得過在家工作,有數據顯示員工日常平均每3分鐘就會有遭受外來因素而中斷手上嘅工作,而再重拾當下嘅工作平均需要23分鐘!加上辦公室工作令員工需要額外通勤工作,尤其工作地點比較遠嘅員工,每日返工放工可能都要2個鐘,變相加重員工負擔,亦令員工更為疲勞。

隨著時代發展及科技進步,的確喺屋企已經可以處理唔少工作,簡單嘅Email、短訊,複雜嘅如視像會議都完全無問題;工作似乎都可以於家中進行嘅時候,對於公司嘅講,其實亦有唔少好處。外國就有企業採用讓員工在家工作嘅方法,將Office大細減一半,成功惜了昂貴嘅租金。不過講到尾,在家工作能否推行,決定權係於老闆身上,要令老闆開放思維、信任員工係推行嘅不二法門。作為員工,以下幾點係用以衡量自己可否成為一個成功嘅在家工作員工嘅要點,大家可以留意一下。

定時溝通

必須經常與上司保持溝通,即時通訊軟件、電話短訊等都係好方法,反而電郵唔算即時通訊,未必合用。總之必須令上司知道自己工作進度及內容,要主動提供相關工作訊息,唔好被動地等上司追問先提供。

留意團隊公告

大部分人工作都唔係一個人可以做晒,所以在家工作必須要留意團隊其他人嘅工作,唔好只在意自己一個人;最好係團隊建立一個工作進度表,大家定時更新,自己就可以時刻注意,適時提供協助或幫助解決疑問。

數字化工作內容

必須提供一份工作內容清單予公司,將工作內容數字化,例如完成幾多個案、打出幾多電話、處理幾多投訴、完成幾多功能、定立幾多銷售計劃。相信大部分工種或多或少都可以將工作數字化,定立一個每星期目標,再向公司匯報進度。

自問有信心達成以上3點嘅,就可以話有資格在家工作,不過當然需要同上司約法三章,起碼第一點就係「不能以工時衡量效率」。大家唔好睇小呢個基本設定,唔知幾多千千萬萬老古董上司仍然仲有呢種思想,咁又談何在家工作呢?

參考資料:史丹福大學研究