大年初一!盤點明星經典賀年拜年look 最尾嗰個你認唔認得?

Cosmopolitan.com.hk

鼠年到了,每年拜年逗利是嘅時候又到了!大家諗好你地嘅賀年look未?未嘅話唔緊要,即刻參考以下呢堆明星點著法,一定可以啟發到大家!

▲ Cosmopolitan.com.hk

明星拜年look 1. 陳豪、陳茵媺

最經典嘅明星賀年look又點會少得陳氏伉儷陳豪、陳茵媺呢?呢對模範夫妻人前人後都大show恩愛,實在係閃盲一眾單身狗。

▲ Cosmopolitan.com.hk

新年流流仲要著哂唐裝,喺大大棵桃花樹下面影全家褔,你睇大大細細都笑到見牙唔見眼,連一家之主陳豪成塊面都寫上「幸福」兩個字,就知點著都係其次,最緊要係一家人齊齊整整啦。

▲ Cosmopolitan.com.hk

明星拜年look 2. 陳小春、應采兒

另一對陳氏伉儷陳小春、應采兒,上一個豬年都有應應節出po同大家賀一賀年,但就貫徹一向搞鬼嘅風格,唔係著傳統唐裝,而係著紅色casual裝,不過最突顯出陳氏一家嘅鬼馬風格嘅,絕對非小小春Jasper莫屬!竟然著上 孖寶兄弟cosplay裝,唔知係佢自己要求定阿媽應采兒要求呢?

▲ Cosmopolitan.com.hk

明星拜年look 3. 黎諾㦤

神之馬壯近幾年人氣keep住上升,自從娶咗老婆李潔瑩同生埋小春雞之後,星途更見一帆風順,新年咁喜慶嘅日子當然都要湊湊熱鬧,上年豬年佢就孖住老婆同仔仔一齊紅噹噹影相。雖然兩公婆都係casual紅衛衣,但小春雞就著金色唐裝,相當英氣,又夠貼切!

▲ Cosmopolitan.com.hk

明星拜年look 4. 楊千嬅、丁子高

丁氏伉儷嘅賀年全家褔就完全反傳統走西式,超casual wear,千嬅戴紳士帽之餘,仲要用埋英文寫「恭喜發財」,完全貫徹佢兩公婆鍾意搞創意嘅性格,大家又點睇呢?

▲ Cosmopolitan.com.hk

明星拜年look 5. Ella @SHE

台灣代表方面,SHE嘅Ella都唔執輸,上年新正頭都有影個全家福,全家就夾埋著紅色pattern恤衫,又係另一種風格,潮味甚濃。勁寶雖然嗰陣仲咬住奶嘴,不過都唔及Ella愛犬咁搶鏡。

▲ Cosmopolitan.com.hk

明星拜年look 6. 賈靜雯

台灣另一好媽媽代表賈靜雯,上年雖然沒po全家福,但係派出咘咘同波妞嘅可愛賀年look,見到兩個小朋友賣萌咁可愛,大家都上年豬年都一定如賈靜雯所講的「豬」事順利。

▲ Cosmopolitan.com.hk

明星拜年look 7.謝霆鋒、謝婷婷

以上嘅經典,都一定唔及佢地咁經典中嘅經典。以前每逢過年過節,謝賢一定拉著一對寶貝仔女謝霆鋒、謝婷婷著到喜喜慶慶同大家拜年。

▲ Cosmopolitan.com.hk
▲ Cosmopolitan.com.hk

不過唔知霆鋒見返自己咁嘅樣,又會有咩感覺呢?

▲ Cosmopolitan.com.hk

生咗BB嘅婷婷,同細個嘅樣都真係……冇乜大分別嘅~

推薦閱讀:

農曆新年不能犯的錯!新春拜年時尚穿搭宜忌你要知

拜年見親戚猶如interview好困擾,農曆新年為你帶來無形壓力?10個應付方法你要學識

2020拜年必備20份賀年禮盒!總有一份新年禮物滿足傳統或新潮長輩



Follow us on:

  • Facebook: CosmoHK
  • Instagram: @cosmopolitan_hk
  • YouTube: CosmopolitanHK