【大難臨頭?】微博驚傳黃曉明Angelababy離婚 Baby連仔都唔要 係因為⋯

Kiss - 娛樂

出名愛得痴纏嘅Angelababy同黃曉明喺2015年結婚,舊年生埋寶貝仔仔「小海綿」,依然係咁如膠似漆!最近因為范冰冰查稅一事,好多大陸一線藝人都被波及,尋日(6/12)更突然傳出傳出黃曉明同Baby已低調簽字離婚,原因係同黃曉明涉及10幾億逃稅有關!

撰文:Joanne 圖片:微博截圖、新傳媒資料室

延伸閱讀:

【好感動!】結婚誓詞的意義 6段最真摯動人的明星誓詞

全港53間直資私小學費一覽 10大學費最平直資私立小學

傳已低調簽紙

尋日微博上突然爆出黃曉明同Baby離婚嘅消息,指女方要求即時離婚,仲連個仔嘅監護權都唔要!原因係因為黃曉明受到「范冰冰查稅事件」嘅波及,無力繳付高達10億人民幣的稅款!

黃曉明

消息一出,大陸媒體都急急向兩位主人翁求證,據報導指,有傳媒Angelababy身邊的工作人員求證,得到嘅回應係「沒此事」、「假新聞」。

而黃曉明方面就話:「傳言太聳動了,是「嚇人」的假消息!」

其實Angelababy最近係喺倫敦拍新戲,而且仲將小海綿帶喺身邊。據知近日拍完有關戲份,已經返番上海,仲有人見到黃曉明去接機,一家三口罕有同時現身。

其實黃曉明出名愛錫家人,但係因為工作繁重致甚少留在家。早前黃曉明到泰國拍攝綜藝節目《中餐廳》時,趁著空檔就喺鏡頭前同Baby Facetime以解相思之苦,Baby仲透露囝囝因為掛住爸爸,霸佔咗爸爸張被!曉明感嘆話:「就眼看幾天不見,又大了,我現在可不願意錯過他這段時間了,每天都長得不一樣。」

曉明與Baby的寶貝小海綿於1月17日出世,當日,曉明仲急不及待在微博上載數張兩人的合照並留言:「想與大家分享一個幸福的時刻:今晨,Angelababy於香港順產生子,曉明哥與家人一直全程陪護。AH夫婦共同有了愛的美好延續,從此1+1=3,這大概就是幸福的模樣吧!」眨眼間小海綿就七個月大,聽到老婆Baby話囝囝掛住自己,一定好想飛奔返屋企陪囝囝啦!

 

婆媳關係極好 曉明媽望 Baby 最少生6個

之前曉明媽上節目時,談到兒子及媳婦Baby時,對Baby更是讚不絕口。曉明媽指自己和Baby不像婆媳,反而更像媽媽與女兒,大讚Baby「特別孝順」。曉明媽指,Baby於綜藝節目內不斷撕別人的名牌,就好似一個女漢子咁;事實上Baby私下其實係一個溫柔體貼乖乖女,放假唔使工作時,好少出街,大部分時間都會留喺屋企畫畫或者練習書法。言談間,都感覺到曉明媽對Baby極度滿意,難怪曉明大哥同曉明媽媽都錫晒佢啦。另外曉明媽在節目中曾透露希望多子多孫,Baby最好生夠6個!曉明大哥係屋企獨生仔,又係一個超級孝順仔,當然會聽媽媽的話啦!

下一頁:【好老公計分法】 你老公究竟值幾多分? 真係有得計!

下一頁:劉嘉玲梁朝偉感情保鮮30年 4大婚姻信條 女人要學!

延伸閱讀:

【童星兄弟】「大喊十」浸大畢業 王秉熹奪全球大學電影獎