天蠍座拍拖可以半年唔見人? 最重色輕友的四個星座

Coco

「閨蜜嘅地位絕對無人可以取替!」,自從好友拍拖之後,當日信誓旦旦講出呢句說話嘅佢,就好耐都無喺聚會出現,約親佢都話要陪男朋友。唔少女生嘅友誼小船都敵唔過愛河嘅波濤,而與呢四個星座嘅小船更加係特別易翻!

第一位:天蠍座


天蠍座天性善妒,如果帶埋戀人同朋友一齊出去玩嘅話,就會因為戀人和朋友太過親近而覺得唔舒服。所以天蠍座喺朋友眼中就會係最重色輕友嘅星座,一旦拍拖就可以半年都唔同朋友們聯絡。


第二位:金牛座


金牛座覺得戀愛係要循序漸進嘅,一旦熱戀佢地就會將戀人放喺第一位。佢地喺堕入愛河之後,就會將自己嘅精力,同埋金錢用喺戀人身上,由戀人角度嚟睇就一定係一百分情人,但朋友就大扣分啦。

第三位:巨蟹座


巨蟹座非常重視家人,他們一旦戀愛,就會將戀人當成自己保護嘅家庭對象之一。由於佢地擁有細膩嘅感情,所以會從朝到晚都諗住自己鐘意嘅人,就算同朋友們在一起,亦會忍唔住談論起戀愛話題。


第四位:獅子座


獅子座可以話係最在乎愛情嘅星座,佢地本來對戀愛就抱有極大嘅憧憬,所以一有拖拍就會全心投入當中。而且獅子座佔有慾非常強,最鐘意做嘅就係成日都黏喺戀人身邊,咁就自然抽唔到時間出嚟同朋友見面啦。