女人要保護自己 陳雅思叫苦被誤認不雅片中主角

近日2016年港姐季軍陳雅思,慘被認錯係一段不雅影片嘅女主角,令佢叫苦連天,因為佢同當中嘅女主角好神似,而該位女士就係新加坡嘅一名KOL,並一早已經自認並希望大家唔好再轉發。其實一男一女嘅情慾影片都已經唔係第一次流出,大家都知道危險性有幾高,何必再「以身試犯」呢?

明白熱戀中嘅男女可以話情到濃時任何事都唔怕做,拍私密影片當然係其中一項,不過縱使兩情相悅,最後得到嘅結果可能都係痛苦;只怪現金科技太發達,就你拍低嘅一刻,可能影片已經被上載到喺十萬九千里雲南一個小山頭上嘅雲端之上,就算你從電話中刪除,難保某年某日突然有人用其他方法搵到。大家,尤其女士,唔好傻豬豬咁諗仲係十幾年前咁,要拎住你部手提電腦先拎到入面嘅相片同影片,根本無嘢係安全。作為女生(其實男生亦然),有幾愛另一半都好,避得就避,正如子華神話齊:唔拍唔代表無做過嘅。