如何預防皮膚炎症?

CosmoGIRL!

 

皮膚炎症泛指一般皮膚過敏、乾燥、脫皮等問題,常見種類包括:刺激性接觸性皮膚炎(主婦手)、接觸性敏感性皮膚炎(即先天的皮膚過敏)、異位性皮膚炎(即濕疹)等。成因多數同遺傳有關,亦有可能因為外在環境引起,例如天氣轉變、濕度變化、塵蟎、化妝品、對物質或食物敏感等等。預防炎症嘅方法係保持個人衛生,做好日常皮膚護理同盡量避免接觸導致敏感嘅物品。

 

當皮膚炎症發作時,應該用暖水洗臉或洗澡,不宜使用太熱嘅水,因為熱水會將保護肌膚嘅皮脂溶解,而洗完臉或者洗澡後更應塗上保濕滋潤嘅護膚品。如果經過一般護理後,情況仍然無改善嘅話,就可能要利用藥物抗炎。皮膚痕癢時,切忌用手抓痕,咁樣只會令情況加劇,惡性循環,甚至導致細菌感染。如果有需要嘅話,可以服用抗組織胺藥止痕。有家族遺傳同精神壓力大嘅人,都會比較易患上皮膚炎症,所以,除咗要注意日常皮膚護理外,亦要保持情緒健康。

Related Articles: 

為dry爆感情關係添上芬芳!

3招觀察男友變心先兆!

紓緩補濕!凝膠面膜大比併

想瘦身嘅話,應該飲紅茶定綠茶?

試過好多暗瘡產品,但情況無好轉,皮膚仲有甩皮,點解?

Tags: 

敏感

濕疹

皮膚問題

護膚tips