小男人 大偷食 女網民哭訴老公同時偷食多女

偷食,係情侶間嘅一大禁忌,一碰就非死即傷。有好多男人,平日睇落好顧家,好細心照顧家,亦好錫老婆,話佢哋偷食都十之八九無人信。不過近有女網民喺連X討論區話,自己同老公結婚3年,未有子女,老公從以前讀書年代開始已經係好文靜及溫柔,走細心同暖男路線,但從來唔會主動去接觸其他異性,係「100%好老公」。結婚之後更加升Level, 唔單止自己主動做家務、執屋、搞清潔,連晚上放工都會去買餸煮飯,名副其實係大家口中嘅「小男人」。

但一次意外,老婆竟然意外喺屋企發現老公有第二部電話,好奇心驅使下一睇,發現老公喺出面起碼有兩個「女朋友」,一個係女同事,另一個似乎係街外認識,而且都已經有床上關係。小男人,大偷食,原來一直咁顧家嘅好男人,喺出面竟然有另外兩段感情,而且兩個女仔都知佢結咗婚有老婆。網民都話,男人偷唔偷食,其實同佢係咪顧家無關係,好多大男人喺屋企要主宰一切,對老婆又粗聲粗氣,但其實十分專一,就算有女人主動埋身都唔會被影響。小男人之所以偷食,原因可能係喺屋企得唔到地位,可能係天生細心溫柔容易吸引女人,可能係好簡單衰咸濕,各有原因好難猜測。

不過網民之後分析過呢個Case,發現好大可能係出於性生活唔協調,女網民話平日可能一個月先行房一次,好多時老公想要,但自己都太攰而拒絕。姑勿論點都好,女網民都決定直接攤牌質問老公。畢竟兩夫妻,貴乎坦城,真係雖然對談去解決,並唔係猜猜度度就可以了事。