從《延禧攻略》學以致用的4個職場生存之道

《延禧攻略》有成70集,雖然大台一星期播足7晚,但因為內地不少網上平台都搶先偷步,所以唔少人都睇到差不多接近尾升。雖則話係70集,但女主角魏瓔珞尤如古裝版的小強,鬥智鬥謀打極都唔死之餘,重將一個個機關算盡的妃子一個個擊倒。現實生活中,職場如後宮,邊個唔想做個又聰明又能幹的魏瓔珞?咁大家煲劇之餘,不如學返幾個職場上的生存之道啦!

樹大必招風

魏瓔珞係好聰明,但因為鋒芒太露,令好多人眼紅。在職場上,不妨好似純妃咁低調,係適當時候先係老闆面前展露一下,係職場上會好過少少。

是非精無好下場

說是非者便是是非人,其實邊個傳播是非,邊個真係做嘢,老闆心中好清楚。要是大裁員之際,緊係率先交咗呢班無咩生產力的是非人吧。

不能無野心

初時的嫻妃不求進取,如同係職場毫無野心、默默做好自己事的人,但其實職場上無野心等於被人淘汰,適當地係老闆面對表現自己係必須的,至少都可以升職加薪。

職場上無真朋友

正如魏瓔珞所謂唔好相信其他人,只要相信自己。職場上都一樣,自己工作唔好靠人哋,只相信自己的能力,職場上係無朋友的。