心理學教授教你如何舒適地應對拖延症

大家有無見到有啲朋友,無論讀書定工作,都往往會將工作推到最後先處理,呢種Deadline Fighter完全唔少,十分常見,可能你哋本身都係其中一位。不過拖延症呢件事一直喺唔同地方都引起討論,有好多唔同見解。最常畀人嘅感覺就係,佢哋好懶,所以拖住唔做。不過於拖延症呢個範疇上有極大權威,研究超過20年嘅加拿大卡爾頓大學心理學教授Timothy Pychyl就畀咗一個現今最被專業人士廣泛接納嘅論點:「拖延症不是懶惰,拖延症是對壓力的一種處理機制。」

Timothy就為拖延症人士提出幾項改善方法,其中一個係要大家有心態上嘅改變。拖延人士往往唔想自己離開Comfort Zone所以唔去處理,仲暗中希望有人會為自己解決,心存僥倖。但事實上大家並非活於童話世界,唔會突然有白馬王子出嚟救你,大部分最後都係自己做,拖延只係令工作變得更漫長,更趕急。Timothy認為所有拖延症嘅解決方法都係需要自己做主動,踏出第一步一定要喺自己。

Timothy又提供另一個方法,就係大家每次拖延之前,不妨暗中數5秒,然後作出行動,哪怕係普通一個電話或者電郵,總之要係同事情有關嘅動作。只要每次養成呢個「5秒法則」,拖延症就會可以慢慢改善。

參考資料:Timothy Pychyl