【情人節2019】單身情人節一樣甜蜜!韓國插畫家筆下一個人的浪漫生活

Cosmopolitan.com.hk

情人節點過好?有伴侶嘅都不外乎係同另一半享受吓二人世界:行街、睇戲、食飯、或者簡簡單單喺屋企hea吓。但係對於單身嘅人嚟講,情人節或者會係一個折磨,單身狗除咗要忍受無間斷閃光彈之外,餐廳食店都熱推二人套餐,情人節一個人真係唔知去邊好......其實一個人唔一定「空虛、寂寞、凍」嘅,韓國插畫家Aeppol就選擇勾劃出「一個人」嘅浪漫幸福生活。

▲ Cosmopolitan.com.hk

Aeppol筆下「一個人」的幸福帶領每一個觀賞者品嚐生活當下,所有畫面場景都會經常出現喺你我身邊,係一啲生活小日常,透過微小嘅生活細節傳遞幸福嘅本質,加埋可愛嘅小動物,令作品更加甜蜜。

 

▲ Cosmopolitan.com.hk

究竟係咩驅使Aeppol創作呢啲「一個人」幸福系列呢?你或者會猜測或者會係因為失戀,所以Aeppol嘅畫作都係圍繞「一個人」。但係原來創作靈感同Aeppol感情生活完全無關,佢透露當初創作動機係源自城市人嘅繁忙生活。

▲ Cosmopolitan.com.hk

都市生活急促忙碌令人好容易忽略生活細節,所以佢希望透過畫作讓人「慢」落嚟,利用佢一個人嘅繪畫視角帶俾觀賞者更多啟發。與其忙碌咁搵「對的人」,不如我哋都先學識感受幸福嘅能力,然後好好地愛自己。

▲ Cosmopolitan.com.hk

作品一:病了就好好休息

休息對都市人嚟講可能係一件好奢侈嘅事,每日都生活馬不停蹄咁工作,好多人都話「得閒死唔得閒病」就算真係病咗都繼續chur。但係病咗就好應該靜靜休息,好好對待自己嘅身體,然後慢慢恢復健康。

▲ Cosmopolitan.com.hk

作品二:一個人去旅行

去擴闊自己嘅眼界,千祈唔好俾感情或者工作限制咗你嘅世界。邊個話去旅行一定要有伴?一個人去旅行行程節奏全部由自己決定,係完完全全嘅自由自在。

 

▲ Cosmopolitan.com.hk

作品三:用閱讀投入另一個世界

唔好停止學習同想像,而閱讀係一樣好好嘅興趣讓你可以無止境學習。當你每打開一本書都係一個全新嘅世界,全新嘅故事,而你就係主角。

 

▲ Cosmopolitan.com.hk

作品四:也別忘了吃貨

得閒放縱一吓,然後好好獎勵自己去食最好味嘅嘢食。食到好味嘅嘢都係一個令自己開心嘅方法。

▲ Cosmopolitan.com.hk

作品五:發一個好夢

呢種甜蜜或者好短暫,但絕對足夠令你甜滋滋一整天。有人話發夢好多時係反映你嗰排諗咩,唔知你同唔同意呢?

 

▲ Cosmopolitan.com.hk

作品六:偶爾好好打扮一吓

雖然係單身,但作為女孩子偶爾都幫自己好好打扮一吓吧,自信心當堂返哂嚟!好多時扮靚並唔係為咗取悅別人,而只係為咗令自己開心。

 

▲ Cosmopolitan.com.hk

作品七:感受大自然

生活或許有太多煩惱太忙碌,但周末如果有時間就好好比自己輕鬆一吓,而去感受大自然絕對係最好嘅活動,抬頭看看藍天,再看看周邊嘅小動物,你會發現平日忙碌嘅生活實在令你忽略太多......

 

推薦閱讀:

聖誕禮物2018🎁情侶口交必備!5份貼心情趣用品令口交都有高潮!

想拍拖一定要夠主動!香港4間Speed Dating公司特色及收費

交友App開場白講咩好?3大正確與錯誤示範 避免好對象消失!



Follow us on:

  • Facebook: CosmoHK
  • Instagram: @cosmopolitan_hk
  • YouTube: CosmopolitanHK