情侣經常於網上放閃 關係更穩固長久

放閃呢個行為,今時今日實在太方便,畢竟社交媒體發達,太多途徑可以放閃。不過有時出閃光彈,都會有口痕友會講「放閃就梗係幸福,實際上可能唔係咁開呢」。錯錯錯!唔好再妒忌人,原來放閃得多,關係真係會變得愈好架!

美國威斯康辛大學就有研究指出,愈常喺網上放出伴侶合照或者同伴侶有互動留言嘅伴侶,現實上都會較唔常放閃嘅伴侶更親密,關係更穩定及長久。研究人員指,佢哋於網上放閃或互動,某程度上都係因為佢哋現實係好多親密表現,繼而先會喺網上展現。而且常於網上放閃,亦會大大增加對伴侶嘅信任度,因為肯放相即係公諸天下啦,而信任就係維持關係嘅不二法門,因此大有幫助呢。