惡魔老細見聞錄 仲衰過黑社會?!

相信各位打工仔都同小編一樣,係現實生活中都有一個避唔開嘅難題,就係你嘅老細。講起老細,相信大家都會勾起一大堆平時同佢地相處嘅點點滴滴,就好似今集講真個句入面嘅男主角一樣,對住老細,都係唔好講心嗰句好啲。


「當學下嘢啦」
老細係點樣嘅生物,咪就係旨意你用得着人情牌就用盡佢,揾freelance 最好唔使收錢都有能力做到野,叫人當學下嘢,但老細又永遠都唔會搵自己啲朋友較飛架喎。

「放假?你啲嘢邊個跟?」
同老細請假都係耐力與毅力嘅考驗,明明請假係你嘅福利,但就搞到好似係你欠左佢咁,批假俾你之前係都要俾啲說話來聽下先滿意,重點係老細就自己成日失蹤唔係公司,一請假就話啲嘢冇同事跟,真係同佢講都費事。

加人工跟唔到通脹

講到尾最火滾嘅都係,明明讚你做得她,但年尾花紅,得個幾舊水,連通脹都跟唔到啦,真係唔知收唔收你好。

有返工無收工時間
打工仔有返到時間,無收工時間,已經漸漸變成定律。明明尋晚OT到凌晨時份,翌日遲返一兩個鐘,老細都打鑼咁搵。

Ok架可?
老細緊係想個個員工都可以快而準,明天briefing ,明天交貨係正常事!



不過其實係香港地,打工真係好辛苦又大壓力, 如果遇得到好員工,老細們,識做啲,員工都係人,你對佢係點,佢感受得到嘅。