想當年:小巴原本竟然係「新界的士」?!

小巴已經係香港一眾公共運輸工具重要嘅一環,唔理係專線小巴綠Van,還是亡命小巴紅Van,其上落快、點對點到達力強、高速嘅優點,的確令人又愛又恨嘅!(恨嘅當然係小巴司機駕駛態度問題啦。)近年來一直討論多時,增加多一排座位,令小巴變成19座嘅新小巴雖然已經投入服務,不過就得少許專線出現,好難見到,不如趁呢個機會,同大家講下香港小巴嘅歷史啦!

曾經為新界的士

最早期嘅小巴,當年仍未合法,因為60年代時九巴未有喺新界出現,因此新界就出現呢種9座位客貨車,按程收費,當然警方屢屢打擊都未能杜絕,最後1969年正式批准小巴發牌,於港九新界都可載客。

最早期為14座

目前小巴為16座,目前最新式加至19座,最初期嘅小巴係14座,廟街歌王尹光就有一首歌係唱出小巴司機辛酸史,名為《14座》;一直至1988年先正式改成目前嘅16座。

冷氣車超吸客

最風光嘅小巴時代就係70、80年代,因為當年九巴未有冷氣巴,加上地鐵未出現,有冷氣嘅小巴就成為最受歡迎嘅交通工具,大排長龍。仲因為太多人搭,小巴司機收入高,成為唔少人嘅理想職業,得到好多女士嘅青睞!

圖片來源:HT Wong@Flickr