戀愛系:科學家研究 搵到真正伴侶只有28萬分之一

一生人之中,可能有會交過好多伴侶,但最後嘅搵到一個自己適合而既定終身嘅,往往要經過唔少考驗,前面仲會有好多假象,一啲爛桃花出現,阻住你搵到自己嘅真命天子/女。不過呢啲老生常談,講就多,實際上有無理據先?著名數學學者Hannah Fry就用科學為大家作研究,去計算一下究竟係咪真。估唔到得非常有趣嘅數字:

真正真命天子/女

要搵到一個同自己啱嘅人唔容易,根據Fry所講,可以結婚嘅伴侶要符合基本條件係住喺同一城市、相同學歷、年齡、單身,要合乎所有條件,機會率只有285000分之一!

頭37%情人都係爛桃花

根據統計,唔少人一世人由拍拖至結婚之中,原來頭37%嘅情人都係無所作謂嘅爛桃花,根本唔需要落任何心思。37%之後嘅先叫真係戀愛。即係如果你拍10次拖,頭3個可以話係廢嘅?!