戀愛系:中國人點解開始唔怕離婚?

要講離婚,好多時大家會諗起西方人,無他嘅,好似美國呢啲自由主義嘅已發展國家,離婚率高達50%,合則來不合則去;但據到東方社會,始終未能開放至此,畢竟要離婚,好多社會嘅人都會覺得好負面,尤其係女人,更得會被貼上標籤。因此一直以嚟中國、香港嘅離婚率絕對係極低。但原來睇睇數字,情況未必係咁好,去年中國離婚人口竟然高達830萬人,即係比香港人口仲要多,實在係非常誇張。明明東方人比較保守,對傳統觀念尤其著重,點解離婚率會偏向上升呢?

滿足溫飽過後

隨住大陸人愈嚟愈多人有錢,出現可以共患難,唔可以共富貴嘅情況,再直接啲講就係飽暖思淫欲,滿足咗溫飽,就開始搵刺激,結果好多出軌嘅情況出現。

多孩政策

過往中國實施一孩政策,但近年開始廢除,實行多胎制,反而令到唔少夫婦係生細路方面有所分歧,例如有人想生多個,有人覺得一個就夠,結果只有各走各路。

再婚容易

有別過往女子要三從四德呢種破舊思想,今時今日中國大陸一樣講求戀愛自由,尤其對離過婚嘅人,已經唔會有太多有色眼鏡,因此大家更事無忌彈去離。