戀愛系:奶奶係咁拎二手衫 新手媽媽驚人講閒話「無錢咪生!」

奶奶同新抱從來都係天敵,十居其九都係不和,爭鬥之處可以話無窮無盡,大事小事都可以嘈一餐。一旦涉及到個孫喎,更加係火上加油。網上討論區有剛成為媽媽嘅女網民投訴,話奶奶不斷拎啲二手BB衫同玩具,原本一件本件都無所謂,畢竟BB長大得快,但到宜家BB已經一歲幾大,仍然係咁喺親戚朋友麻雀腳到拎二手嘢畀佢。媽媽已經講咗好多次叫奶奶唔好,屋企又唔係窮,何必一而再,再而三咁拎二手嘢,介其他知,感覺唔太好。

事後網民有人話媽媽唔好,因為二手BB衫其實係又環保又實用,好過自己特登去買,況且係奶奶一股心意,畀咗你可以自己決定用唔用。不過當然有好多反奶奶嘅人士,覺得搞到自己好似畀人睇唔起咁,無錢買嘢,最緊張係畀人話「無錢唔好學人生仔。」咁就大件事。

其實湊BB真係一門學問,唔同人都有意見,何況仲係年紀差咁遠嘅兩個世代,一定有好多磨擦,大家睇唔過眼對方嘅事。只要每次投訴前或者動怒時,諗諗對方嘅出發點,其實都係為BB好,畢竟大家都係一家人,千萬唔好敵視對方,更加唔好意氣用事,講出或做出無可收回嘅嘢呀!