戀愛系:膚淺!你以為女人收花真係志在Show Off咩!?

今個星期就係情侣一年之中最大節日,情人節喇!!!自古以嚟呢個係一個非常恐怖嘅節日,因為又係時候拎荷包出嚟喇!男朋友就辛苦啲,除咗要買禮物之外,仲要Book枱之類,唉,諗起都煩!問起各位男朋友,究竟情人節要買乜呢?香港人呢就非常現實,無論男女喺訪問時都會話「唔好送花啦,咁嘥錢。」其實係點呢?根據一項調查,其實男人最多送嘅禮物仍然係花(40% )、其次係衣物及皮具(28%)、首飾只係(17%)。咁多人送花,其實係點解呢?

花代表美

女人最鍾意咩?梗係「靚」啦;而站係美學文化角度,花正正代表美。識得欣賞花之美嘅男人,一向有「惜花之人」嘅外號,一個識珍惜花嘅男人,咪就係一個懂得珍惜你嘅男人囉!

女人感性

花之所以珍貴,在於其瞬目凋謝,呢種只能片刻間展示最美神態嘅情況,對女人嚟講絕對係又浪漫又催淚,勾起潛在每個女人內心嘅感性細胞。唔係自古以嚟點解咁多人將女性代入為花去比喻呢?

只作Show Off

辦公室從來都係明爭暗鬥嘅地方,每年情人節如果一喺星期六、日,花店就一定喊苦,因為少咗好多男士送花;喺Office收花,唔單止話畀人知自己名花有主,仲大大聲咁講出自己個男人有幾富貴可以「有閒錢」送啲「唔等使」嘅禮物呢。