戀愛系:面對「單身也能很快樂」的作狀人 如何是好?

情人節聽日就到,每逢呢個日子,總係聽到怨聲載道,有戀人嘅就煩要送禮物要Book枱要破費;但另一方面,單身朋友,其實絕大多數反而唔會自怨自艾,而係採取「樂觀積極」咁正面回應。無錯,大家有自己自由控制自己情緒,不過呢,總喺呢啲時候就睇到好多單身朋友要裝模作樣咁打出一、兩句「單身也能快樂」、「等待最好的」等等,其實非常此地無銀。對住呢種人,如果你有拖拍,究竟應唔應該盡情講呢?

不如首先了解佢哋呢個心情,寫得呢啲可以話係自欺欺人說話嘅,都係話畀全世界人自己活得好好,情人節一啲都唔難過,甚至Proud to be single!有呢個想法,完全無問題,大家表面上大可直情讚揚,表示欣賞,甚至留言稱讚「我都好羨慕你呀!」(大前提係你另一半唔會睇到),或者可以令佢哋更覺自己「活得比你好」。當然啦,大家心知肚明,單身嘅人喺呢一日又點會係一切安好呢?就算平日點唔介意單身、幾享受自在生活,去到今日有影皆雙嘅日子,一定會身懷感觸。所以,朋友算啦,放過佢哋,等佢繼續沉醉自High啦。