【掃街新地標】「旺中」6大人氣美食率先睇!創新雞蛋仔+海膽手卷+長洲炒雪糕

旺角中心以往主打平價時裝,看準「掃街」的人氣,打造出全新的掃街新地標,將二樓改裝成美食天地,吸引多間大熱的小食以及飲品店進駐,6大美食包括:花園街創新雞蛋仔店、葵廣人氣班㦸店、人氣海膽手卷、長洲熱門炒雪糕店、清新鮮榨果汁店以及台灣過江龍飲品店!等小編即刻帶大家睇盡「旺中」6間美食店啦!

 

 

創新雞蛋仔Modos 品嚐另類香港情懷

 

提到掃街,不得不提香港代表-雞蛋仔!旺角中心的Modos是首間加盟店,而位於花園街的主店早已為人熟悉,店內售賣多款「創新口味」的雞蛋仔,包括:斑蘭、羅宋湯、流心蜂蜜、芝士、鳳梨酥等,一直深受粉絲的歡迎。另外,店內仲有手調飲品,包括一系列嘅烏龍茶以及伯爵茶等!

  

雞蛋仔雞漿自家調配,店主即叫即製,出爐的雞蛋仔外脆內軟!

流心蜂蜜雞蛋仔 $23

 

蜂蜜雞蛋仔可能比較普通,甚至在加熱的過程中會令蜂蜜變酸,店家巧妙地想到將蜂蜜製成爆珠,就能保護蜂蜜本來的營養以及味道,咬一口雞蛋仔,蜂蜜珠就在口中爆開,蜂蜜味道濃郁,令雞蛋仔的蛋香再帶到另一層次,的確回味無窮!

 

羅宋湯雞蛋仔 $23

 

雞蛋仔咸食又如何?羅宋湯味雞蛋仔用上真正的罐頭羅宋湯加入雞蛋仔蛋漿,帶淡淡蕃茄香,有著羅宋湯的微酸和鹹味,驚喜在於雞蛋仔內更藏有薯仔粒以及肉粒,味道意想不到咁配合啊! 

 

西柚烏龍茶(中杯$14大杯$18)

 

天然的西柚果香下襯托出不一樣的烏龍茶,味道清新,是夏日的不錯選擇!

 

Modos

營業時間:星期一至日中午12時至晚上 11時

詳情

 

下頁介紹 人氣班戟分店-又一戟

 

人氣班戟分店-又一戟

 

到過葵廣掃街的朋友對又一戟應該都不會陌生,人氣班戟店進駐旺中,自然人龍不斷。班戟的款式很多,大家可以選擇鹹食或甜食,鹹食餡料就有鹹牛肉、辣肉腸、吞拿魚等。

 

蟹柳粟米紫菜班戟+芝士($26+4)

 

班戟鬆軟邊位帶脆,餡料都足料大份,加$4芝士做餡料,能夠做出拉絲效果,同時令口感更豐富,非常美味!

 

甜味班戟可以自選雪糕球,雪糕表面會加上厚滑忌廉,若果想減輕罪惡感,可以配合鮮果,清新一下味覺!

 

芒果雲呢拿雪糕班戟($29)

 

又一戟

營業時間:星期一至日下午1時至晚上 11時

 

下頁介紹 手卷熱潮直捲旺中「手卷駅」

 

手卷熱潮直捲旺中-手卷駅

 

最近的手卷熱潮愈吹愈旺,旺中當然都有一間「坐陣」啦!有人氣大熱的海膽手卷($42),用上大連馬糞海膽,海膽的份量不少!店內仲有其他手卷、卷物以及各式日本小食,如:南瓜卷、紫芋薯餅等。

 

三文魚海膽手卷 $30

飛魚子手卷 $15

栗子紫芋薯餅 $15

 

店內還有另一款人氣推介的厚燒玉子,用火槍燒香玉子表面的沙律醬,裡面更配以少量壽司飯,味道更似巨型玉子壽司!

 

厚燒玉子 $12

 

 手卷駅

營業時間:星期一至日中午12時至晚上 10時

詳情

 

下頁介紹 長洲熱門CC炒雪糕

 

長洲熱門CC炒雪糕

 

長洲有名的CC炒雪糕將長洲大本營搬到旺中,每款炒雪糕都可以揀選一款雪糕口味拌入一款水果或配料,最後淋醬、加上toppings,更可以選擇香脆窩夫杯上!雪糕口味有雲呢拿、綠茶或豆腐花;水果有芒果、士多啤梨、蜜桃或菠蘿等;配料則有冧酒提子、粗粒花生醬或北海道紅豆等。

 

特濃榴槤 $48

 

招牌榴槤雪糕就用上泰國金枕頭配以雲呢拿雪糕,雪糕質感帶黏性,食落仲食到啖啖榴槤肉,濃郁的榴槤味配以淡淡奶香,味道一絕! 

 

芒果雲呢拿雪糕配朱古力漿+花生粒+窩夫杯($28+3+2)

 

炒雪糕時加入芒果,每口雪糕都有芒果味,配以薄脆窩夫一齊吃,一脆一軟層次非常豐富!

 

長洲炒雪糕

營業時間:星期一至日中午12時至晚上 10時

詳情

 

下頁介紹 對抗夏日的清新飲品之選

 

對抗夏日的清新果汁之選-金沙糖

 

除了小食店外,其實仲有兩間飲品店,其中一間是鮮榨果汁、果汁綠茶、果汁乳酸、果汁冰沙等,鮮榨西瓜汁加椰果以及鮮榨木瓜汁加任何配料(珍珠/蘆薈/西米/椰果)都只是$8,簡直就是真正的夏日透心涼「破抵價」!

 

鮮榨西瓜汁加椰果 $8

鮮榨木瓜汁 $8

菠蘿椰果多多 $15

台灣特飲-清玉好茶

 

另一間飲品店是來自台灣的「清玉好茶」,售賣台灣特飲,包括:各款奶茶、果茶、檸檬青茶以及冬瓜茶等!所有飲品都可以自選冰同糖嘅比例,不會怕太多冰或太甜。

 

店內更不時推出優惠,除了每日的學生優惠,更有期間優惠飲品,今期便是珍珠奶茶、洛神花茶、炭焙烏龍茶以及翡翠拿鐵。

 

珍珠奶茶 $17;洛神花茶 $16

 

金沙糖

營業時間:星期一至日:下午1時至晚上 11時

 

清玉好茶

營業時間:星期一至日:中午12時至晚上 11時

 

Related Articles:

【旅行地圖】讓音樂帶著你走遍台灣!3大旅程路線+Airbnb推介

【生活小智慧】手機充電很慢四大常見原因!充對方法省下至少一小時...

【超級沙律】用超級食物牛油果、藜麥搭配,炮製Super高纖沙律!


Follow us on facebook: https://www.facebook.com/etnet.com.hk/

etnet財經‧生活網(www.etnet.com.hk)提供全面及專業的財經新聞及資訊,包括為用戶提供免費實時股票及期貨報價、專家點評等。同時《生活副刊》頻道,涵蓋財智、管理、世事政情、健康養生、消閒購物及數碼科技等資訊,盡享健康樂活之道。於2014年更推出《DIVA 品味派》潮拜頻道,集五大品味內容及視頻專案於一站 - Fashion、Beauty & Love、Watch & Jewelry、 Art & Living及 Travel & Dining,日日更新,秒秒矚目。