提早中止合約離巢 羅鈞滿是如何自毀前程的

大台羅鈞滿早排因為酒後駕駛,雖然免受牢獄之苦而被判100小時社會服務令,不過都已經前途盡喪,之後嘅工作量大減,曝光率急跌。上星期台慶當晚同日,更喺微博到話已經同TVB分手「羅鈞滿也是時候離開母校,出去看看世界」,原來睇番,今次羅鈞滿係提早中止合約離開,雖然未知係雙方邊方做主動提出分手,不過總之都係黯然離去架喇!

羅鈞滿喺TVB已經8年,一開始從藝員訓練班出身做行行企企,到之後2013年參加《星夢》,成功彈出,開始唱劇集主題曲,連帶拍劇都開始做到3線小生,總叫開始入屋。偏偏呢個時候就出現出宗不利新聞,最直接莫過多次因為駕駛問題而上庭,其次就係多番喺網上作出大膽言論,向網民挑機。以致網上有一句「做人別太羅鈞滿」。可以話,原本喺大台有一番前途嘅佢,反被自己嘅性格所害,最終只能離開。究竟從中大家可以睇到咩性格呢?

知錯不改
係人都會犯錯,知錯能改善莫大焉;然而一錯再錯者就真係死有餘辜喇。好似羅鈞滿多次因為駕駛態度問題而鬧上法庭,雖然頭一、兩次獲徹銷控罪或罪名不成立,但最後竟然犯上醉駕。而每次佢都用萬二分誠懇態度話會改正,但偏偏日日新鮮鑊鑊甘,令人失望至極。

發言草率
所謂禍從口出,做人切忌胡言亂語,尤其公眾人物一言一句都受到大家注意,更係粉絲嘅身教對象;偏偏羅鈞滿多番網上言論都遭人批評,從一開始替當時女友張文采開腔、至香港電視不獲發牌、台慶熄電視等事件,惹火言論都令網民非常討厭,令人覺得佢言行不夠謙厚,性格擦鞋。

色字頭上一把刀
男人都係衰䶢濕最為人詬病架喇,尤其自己元配特別受人歡迎之時,你仲出去搞三搞四,實死。羅鈞滿早前同新聞女主播張文采拍拖,人哋係萬千網民心中女神,但羅鈞滿唔知足,被媒體影到同其他女仔玩得好埋。而最後更因為懷疑喺韓國偷影女而被當地黑社會扣留,最後要動用到珍姐出面幫手,經歷2個月先放人。