搜刮娛樂圈失蹤人口 朱健鈞有新戲拍

吳志雄
大佬B都有一段時間無喺電影出現喇,佢去咗邊?北面囉!而家佢喺內地登台演出,更時常於微博擺放同友人飯聚相片,生活過得不錯呢!




李珊珊
對佢嘅記憶都仲係同錢嘉樂嘅一段情,嘩!唔經唔覺都已經係7、8年前嘅事啦。而最近關於佢嘅新聞少之又少,頂多見佢喺雜誌寫足球(!!)。而最近嘅新聞就係6月尾關於佢嘅微博內文報導,珊珊表達對微博封殺戶口嘅意見後,有網民指佢支持港獨, 於是同網民展開一場罵戰!





朱健鈞
擔綱男主角演出TVB《少年五虎》,飾演少年譚詠麟一角嗰個呀,去咗邊?佢FB FANS PAGE最新UPDATE 都已經係12年4月啦。不過,一搵就發現,佢接拍咗杜琪峰套《華麗上班族》,預計2015年有得睇!






黎美嫻
有「80年代第一古裝美人」稱號嘅又係邊個?黎美嫻囉!佢1996年已經淡出娛樂圈,2000年完全息影,任職院牧。2005年4月17日與任職國泰機長嘅謝興肇結婚 ,做咗少奶奶啦。





簡佩筠
曾經喺唔少重頭劇中做女配角,包括喺古天樂嘅《神雕俠侶》飾演陸無雙、《阿sir早晨》做黎明個妹,同古天樂扮情侶,都叫上緊位,但係忽然喺呢個圈消失。原來佢轉行從商,,而家係瑞士護膚品牌亞洲總代理執行董事。


江芷妮
以前主要係做主持工作, 主持過《都市閒情》、《别有動物天》同《K100》等。 又係上上吓位至退出娛樂圈,又係投身商界,2012年嫁咗個建築師, 做幸福少奶奶!