搶先韓國拍《太陽的後裔》電影版 粉絲激讚越南雙宋好吸睛

Cosmopolitan.com.hk

韓國潮流席捲全亞洲,兩大人氣偶像宋慧喬同宋仲基一劇定情、拍到婚都結埋嘅神作《太陽的後裔》原來唔只喺中港台受歡迎,去到東南亞國家都一樣咁紅,當中越南似乎越愛,搶先其他國家將呢套韓劇翻推拍電影版,近日網上更流出一堆電影海報以及劇照俾大家先睹為快。究竟越南版雙宋嘅顏值同原裝正版又有冇得鬥下呢?

Cosmopolitan.com.hk
Cosmopolitan.com.hk

對於一眾雙宋粉絲兼樣貌協會成員嚟講,《太陽的後裔》拍越南電影版 ,劇情跟唔跟足原著、 喺邊度取景......呢啲問題絕對係其次,大家第一時間應該只會對呢班越南演員嘅顏值有興趣!

Cosmopolitan.com.hk

根據佢地嘅服飾打扮,邊個係男女主角、邊個係男女配角,應該呼之欲出吧!

Cosmopolitan.com.hk

左起,佢地分別係越南版晉久、金智媛、宋慧喬以及宋仲基。(應該係......)

Cosmopolitan.com.hk

著得醫生袍,呢個擺到明係女主角,亦即韓劇中宋慧喬所飾演的軍醫角色姜暮煙。大家對呢位宋慧喬2.0一致好評!

Cosmopolitan.com.hk

女主角呢個樣,絕對超乎大家對越南女仔嘅想像!講白淨就一定唔及宋慧喬㗎喇,不過小麥膚色令人感覺更加陽光,眼大大加笑容甜美絕對有分加,紮埋個低馬尾,唔使用到空氣感瀏海, 少女味出晒嚟!

Cosmopolitan.com.hk

女一雖然夠靚夠仙氣,不過喺網友之間嘅談論度竟然唔及女二咁高!原因係咩?

Cosmopolitan.com.hk

越南電影版《太陽的後裔》海報一出,唔少網友都將焦點放在女配角上,有冇覺得呢個越南版尹明珠中尉有少少熟口熟面呢?好多人都留言話佢似伊健嫂蒙嘉慧。

Cosmopolitan.com.hk

望真又幾似嘅。

Cosmopolitan.com.hk

打扮風格明顯有參考原版。

Cosmopolitan.com.hk

品評完女角,到男主角。呢個越南版宋命基大家又收唔收貨呢?同宋仲基一樣有副童顏dee dee格,笑起上嚟命有酒笠添,可遇不可求。

Cosmopolitan.com.hk

佢兩個襯啲定雙宋襯啲?



Cosmopolitan.com.hk

前往瀏覽完整內容:

搶先韓國拍《太陽的後裔》電影版 粉絲激讚越南雙宋好吸睛


更多相關報導:

盤點2018下半年必睇韓劇 多位男神輪流上場 雙宋分頭派新作

雙宋婚後生活日常都做這些事,宋慧喬、宋仲基童話般的愛情最幸福