【新人惡夢】婚禮司儀如何「炒起」一個婚禮

Kiss - 熱話

結婚係人生大事,婚禮自不然都要隆重其事!近年嘅婚禮規模都愈嚟愈勁!以前就話搵兩個比較好口才嘅朋友做婚禮司儀,可以幫手帶動吓氣氛,而家就直頭有「專業司儀」,甚至喺電視上老是常出現嘅「星級婚禮司儀」!但係婚禮始終係講「意頭」嘅場合,如果個司儀「唔生性」、「講錯嘢」,對一對新人嚟講,咁就一世喇!

撰文:Sunday Kiss 圖片:新傳媒資料室、《抱抱俏佳人》劇照、林盛斌FB專頁

延伸閱讀:

影后林嘉欣笑談湊女經:正向管教 放手讓小朋友自由探索!

男嬰患罕見病被嘲長「惡魔之角」 媽媽痛心:他是我的小天使

「司儀」確係一個專業嚟㗎!最近就有網民喺討論區發起「一人一個婚禮司儀黐咗線嘅一刻」,將自己喺婚禮上遇過最尷尬嘅情況羅列出嚟,有啲都真係幾大吉利是㗎!

自high系列

「司儀係一男一女外面請冇人識,無啦啦去到中間,男司儀話個女司儀今日生日,要全世界陪佢唱生日歌 + 畀驚喜個女司儀!」

「司儀講講下野講到喊晒,然後話原來個新娘係佢鍾意咗好多年嘅女神,然後無啦啦大叫咩『哈利路亞 CHANCE』!」

婚禮司儀

「MC:『我叫 Martin 佢叫 Candy,所以我地係MC!』」

「新人同家人親戚朋友影相,影影吓,個MC嗌:『而家有請MC上台影相!』,然後自己衝上台」

「個司儀玩到無嘢好玩,無啦啦叫我老豆咀我老婆個老母,下面班仆街仲大大聲叫咀佢!咀佢!搞到我外父同我老母黑曬面 !!!」

開口夾着脷系列

「切蛋糕既時候,MC:「我地祝對新人由頭切到尾」,婚宴完嘅時候,MC:「我地下次再見」」

MC:「新郎都無得食新娘隻豬,大家就有得食乳豬」

MC:「新郎依家可以揭起新娘嘅婚紗」

「親戚係茶樓擺左十零圍,有個駐場大嬸司儀:「雖然今晚圍數唔多,但我地都用最熱烈既掌聲歡迎一對新人」

「試過去飲,新郎新娘多謝完四大長老之後,MC話: 「多謝完就要有啲表示啦,我地而家請新郎新娘向父母三鞠躬致謝」,新郎新娘又真係照做,四大長老塊面黑到!」

大吉利是系列

MC:「我哋一齊睇番一對新人生前嘅片段」

「試過個 MC 叫: 『有請女家外母慈雲閣嘅鄰居』,外母住慈雲山啲屋村,但係慈雲閣係放骨灰果啲寺」

 

MC:「恭喜一對新人走上呢條不歸路………er……..幸福之路!!」

下一頁:【感觸無限!】王君馨對婚姻的控訴好揪心! 熱戀退去後的另一種愛情

 

下一頁:【心酸的人夫】老婆買的新床單 老公見到問:我係咪有咩要注意?

延伸閱讀:

【一年一度】台慶紅地氈鬥靚鬥搶鏡 大台花旦戰衣大曬冷 真空上陣都有?!