新戀愛態度, caspering ,你得唔得?

好集慣

先問吓你,你同人分手,會sharp cut立即cut哂聯絡,甚至去到盡block哂所有什麼ig、fb、whatsapp,還是,仲會keep住每日或者隔幾日問候幾句?又問吓,如果新識咗一個人,但其實你又唔多大興趣,你會keep住都扮做吓朋友傾幾句又唔覆幾句,定是會即時斷聯?而話說,caspering係而家世代常做的事。咩叫caspering呢?幽靈傾偈法?

做隻幽靈定做鬼?


其實前者sharp cut方法叫做ghosting,後者傾吓唔傾吓就叫做caspering。話時話,外國真係好鬼多形容詞來形容人和人之間的不同狀態,而又好鬼生鬼。點解係ghost呢?有鬼? ……假設你分手後突然消失,前任在剎那間已經再找不到你任何身影或鬼影,咁,你就係ghost緊人地!

而不幸地,如果你心儀某個女孩,但傾咗一兩次偈人哋因為不知什麼原因不喜歡你啦,然後突然消失於世上,你再唔能夠用tinder或者唔知咩app搵番佢,咁,你就係被人「鬼」緊。

好多人都承受唔到分手後sharp cut嘅痛苦。做咗咁耐情人,何解一分手連朋友都做唔成?有的甚至係一句text分手,然後就人間蒸發……有人話,未完的愛先可以繼續做朋友,又有人話,如果佢未曾愛你過,咁就可以繼續做朋友啦。所以有人話,分手後sharp cut先係最明智和最成熟的表現,即是你知道了自己再次踏上一個人的旅途,而你承受到那份回復單身的痛苦和孤寂,不再依戀前人給你的溫暖,如果一直放不開,還要扮keep住,只會更加走不到。

調番轉,點解而家啲人鍾意做「幽靈」?見過一兩次,明明唔鍾意對方,明顯唔多想發展,但又會吊住人條命,隔五、六個鐘先覆人msg。話說,都是出於唔想sharp cut唔想咁沒禮貌,傷害別人自尊,所以強行傾落去。其實即是表面善良,內裡根本是悶就應人,無聊就傾吓,分分鐘左一個傾緊,右一個傾緊……雖然,有人說咁樣唔會令人好似被「鬼」了咁傷。但係真唔係?

分手後的藕斷絲連不是更磨人嗎?明明你不愛我,明明我知道自己要向前走,但當我忍唔住要text吓你,你又真係應吓我,仲要好似好關心咁問候吓,天啊,咁樣搞法,分手分成千日後都唔會放得低喎。

其實,好人好姐,大個㗎喇,分手就分手,講得清楚了,明確了,雙方明白了,就唔會做咗「鬼」。條線分得清楚,知道這刻不用再交流,亦都唔需要扮好心做「幽靈」。關係呢回事,你處理得唔好,害足人一世。永遠記住,好好開始談戀愛,好好結束說再見。

撰文:恆
圖片來源:Unsplash