日本「美少年」超似女仔 參加雜誌選舉成網民焦點

Reika

每年日本時裝雜誌《Junon》都會舉辦Junon Super Boy選舉,參加嘅男仔年齡介乎13-22歲,不過今年其中一位參賽者「井手上漠」好快成為網民焦點,因為佢個樣同打扮都勁女仔。睇返佢平時Twitter嘅相,係一個又靚又可愛嘅女仔,講都唔信佢嘅真身係男仔。而網民嘅反應都好兩極化,有人支持佢做返自己,亦有好多人話佢騎呢。雖然最終選舉佢落敗咗,不過就成功為佢增加咗人氣,入嚟有多啲佢嘅相同片睇,仲有佢親自回應網民抨擊嘅留言。


網民抨擊完佢之後,佢出文回應,話「做自己」嘅生活非常非常重要,仲交代自己由細到大都鍾意玩公仔多過打波,嘗試融入過男仔嘅生活,不過最終覺得好辛苦。最後佢媽媽同佢講,叫佢做返自己就好,自此佢就決定按自己嘅意願去做。有個咁開通嘅媽媽真係好。


 

想即時睇到更多日本文化、ACG、網絡最新資訊,請即加入facebook!
https://www.facebook.com/GameoverHK