日本團體販賣「平成空氣罐頭」 每個1080円網民鬧爆

Reika

日本嘅平成年號即將完結,有團體就諗到製作呢個「平成空氣罐頭」發售,每個賣1080円,據講吸引好多日本遊客購買。睇電視新聞仲見到職員喺橋上即時採集空氣,講多少少背景資料,日本嘅岐阜縣關市有一個地方真係叫「平成」,而喺呢度嘅一個非牟利團體就諗到喺「令和」來臨之前製作呢個罐頭,仲揀選咗喺年號橋上面製作。每個罐頭入面除咗空氣,仲裝有5円硬幣同埋祝福,不過賣1080円,似乎真係貴咗啲,難怪有網民喺Twitter鬧爆,仲吸引好多人留言支持,入嚟有回帶。


有人諗起多啦A夢

 

想即時睇到更多日本文化、ACG、網絡最新資訊,請即加入facebook!