日本女人真幸福 婚後事必要使老公錢?

日本電視節目「とくダネ!」有一個名叫「懺悔之壺」嘅單元,請路人對住壺內設置嘅攝錄機講出自己嘅罪過,其中一位31歲家庭主婦懺悔嘅內容遭到網友砲轟…

「我忍唔住將老公啲私己錢一口氣洗哂…」呢位家庭主婦話自己發現老公收埋幾十萬私己錢喺冷氣機,趁老公返工時去餐廳、機舖大吃大玩,唔覺意就清袋!想趁呢個機會請節目組人員陪同壯膽,返屋企同老公道歉。

老公都仲未知咩事要道歉,老婆就同佢講用哂佢啲錢,「得返我呢身肥膏咋!」老公聽完O哂咀,但有cam影住好似又唔好意思講太多:「嬲唔落…好難形容呢刻心情…」工作人員問老公原唔原諒老婆,佢苦笑回應:「都冇其他辦法吧。」

點知處下風嘅老婆突然強勢起來,當住咁多人面叫老公「要嬲就而家嬲飽佢,唔好之後先來黑我面」,老公即刻串老婆「好奸」,之後仲詭異,因為老公對住「懺悔之壺」開始懺悔:「我要賺多啲錢帶全家去迪士尼!」

毫無悔意嘅老婆火上加油:「係啦,唔該你儲多啲錢啦!」唔怪得畀網友圍插啦,有手有腳要人養仲嫌人冇錢,呢啲女人真係好唔要面呀!

圖片來源:「とくダネ!」截圖