星期一催至有:合約員工同工不同酬 有幾慘?

喺各個唔同規模嘅私人公司,政府機構,甚至民營企業中,大家可能都會發現,有一種職位永遠都會出現,就係「合約員工」;呢種員工通常係公司用嚟解決短期人手短缺之用,可能只會簽一年半載,或者最多兩年,然後或者會好似好好人咁提供「約滿酬金」,但實際上員工嘅薪酬福利、雙糧Bonus等全部都同正式工差得非常之多。不過呢種畸型工種喺世界各地都有所增加趨勢,對於公司,呢種方法的確可以快截方便慳成本咁取得勞動力,對於合約工呢?就慘啦!

同工不同酬

最明顯就係合約工明明同正式工做同一樣嘅工作,但由於唔係正式編制,薪酬待遇有明顯分別,令人相當喪氣。

得不到尊重

喺其他正式工嘅眼中,合約工好可能被當作次一等員工,而且合約工有可能隨時約滿離開,亦會令正式員工唔太願意同佢哋建立一個長久嘅人事關係。

朝不保夕

雖然公司睇落好似好著數,有一班廉價員工用,用凡事有兩面,呢班合約工其實面��朝不保夕,亦唔會當公司係長遠建立事業嘅地方,咁佢哋會有幾畀心機?心照啦。

催至有:80後港女OL一名,每日返工即係扮工,熟讀辦公室生存之道,最愛煲韓劇,返工奉行三大宗旨:拖、推、卸。