星期五催至有:日理萬機Bill Gates百忙之中仍然追睇嘅小說係?

Bill Gates貴為微軟之首,理應日理萬機,不過原來Bill Gates本身都係一個書迷,一年平均會睇成50幾本書,一星期就至少睇一本!不過Bill Gates讀嘅大部分都係工具書,尤其沉迷科學及歷史書;至於小說,因為純為消閒,根本無時間讀。所以Bill Gates睇得上眼,肯花時間去完成嘅小說可謂少之又少,無一唔係千揀萬揀出嚟,以下係佢自己公開嘅小說書單,大家又有無睇過呢?

《七夏娃》(Seveneves) 作者:Neal Stephenson

Bill Gates話書中第一句已經吸引咗佢追看,第一句「月球爆炸了」,內容講述月球爆炸後,地球開始出現各種天災,兩年後滅亡;各國政府聯手建造「雲頂方舟」選1,500位地球人延續人類命脈。「七夏娃」就係指被選中嘅7位女性,其後各自繁殖共30億人類,並分為7個種族。

《一顆心》(The Heart)作者:Maylis de Kerangal

Bill Gates稱為「完美」之作,故事非常簡單,3位少年去滑浪卻遇上交通意外,2人倖存1人死亡,死者父母要決定是否捐出死去孩子的心;當中文句優美動人,令人既感傷又同時覺得生命嘅美麗,睇完呢本書,會對人生有新嘅覺悟。

《蘿絲的計劃》(The Rosie Project) 作者: Graeme Simsion

愛情故事,講及患有社交困難症嘅男主角為宅男,後來竟然諗住以問卷形式尋找女朋友,後來誤打誤撞遇上女主角Rosie,鬧出唔少笑話。故事睇落好大路,但Bill Gates評語卻係「幽默、風趣及感人於一身」,唔睇點得!

催至有:80後港女OL一名,每日返工即係扮工,熟讀辦公室生存之道,最愛煲韓劇,返工奉行三大宗旨:拖、推、御。