星期四催至有:成功人士5大休息方法

成日都話香港人工作壓力大,返工時間好長,就連放工之後,都好多時要處理公事,根本好難有真正嘅休息。加上宜家科技太發達,任何公事都可以輕易搵到你,有啲人直情變成24小時On-Call,隨傳隨到要即時解決公司疑難呀。外國人就唔同得多,相信Work-life balance嘅佢哋絕對相信「休息係為咗行更遠嘅路」,於是乎就非常重視放工休息時間,以下由辦工室心理學家Michael Woodwad推介「成功人士5招休息方法」,大家要參考下喇!

定下勿擾時間
適用於對下屬方面,及早講定任何公事都不得於幾點幾點之後搵你,設下請勿打擾嘅Timezone。

定下明日清單
好多人工作壓力大到返到屋企都不停諗住公司嘢,其實不妨每晚寫定聽日嘅「To Do List」,反而有助減壓。

深層睡眠
好簡單,瞓耐啲瞓多啲,唔好臨瞓前用電子儀器,唔好上網等等,都有助人體進入深層睡眠。
洗滌身心

沖涼
唔單止一個熱水涼咁簡單,甚至一個Spa,一個深層潔面,或者一張Mask等等,都係可以將身心疲累一洗而空嘅方法。

日記
唔需每日每晚都寫,間中寫下今日做過乜,作為一個小小嘅回顧反省,有助更深一層思考自己,同時可以當休息呢。

 

催至有:80後港女OL一名,每日返工即係扮工,熟讀辦公室生存之道,最愛煲韓劇,返工奉行三大宗旨:拖、推、御。