星期一催至有:四天工作周反而有損員工健康

又到星期一!唉,話都無咁快就過咗兩日假,慘呀!近年外國好多大企業,開始試行4天工作周,即係話每星期有成3日假呀!很想要吧?但咪咁開心住呀,原來4天工作周,唔係一定咁著數,點解?美國奧克拉荷馬州大學就公布一個研究,4天工作雖然返工日子減少,但工時其實無變。

研究指,好公司雖然嘗試減少返工日子,但偏偏工作量完全無減,變相員工雖然多咗一日假,但拉勻每日返工日子就變長咗。即係話平時每日工作10個鐘,每日返10個鐘,宜家返4日,但每日要返成近13個鐘。如此一來,每日工作長咗,影響健康比之前更嚴重!因為醫學研究指,每日工時超過12個鐘,產生太大壓力,會有好大機會引致心臟病、Cancer、抑鬱症等嘅嚴重疾病。

原來減少咗日子,工作量又係一樣,反而好似變咗公司剝削員工喎;因為公司對外可以製造一個形象表示公司好開明、福利好,但原來實際上得益嘅並唔係員工。唉,香港打工仔,FF少一陣啦!

  

催至有:80後港女OL一名,每日返工即係扮工,熟讀辦公室生存之道,最愛煲韓劇,返工奉行三大宗旨:拖、推、御。