星辰將你們連在一起 12星座的最佳好友

Coco

識朋友好多時都要睇下夾唔夾,有時候明明只係新相識,但就可以一見如故,秒速成為好朋友。有無諗過星座對你地能否成為至交好友都有啲關係呢?下面就係十二星座嘅最合拍朋友,睇下你同你嘅閨蜜又係咪其中一對啦!

#巨蟹座X處女座


呢一對閨蜜絕對係對方心靈上嘅好伙伴。巨蟹座能夠了解處女座嘅細微心思,而挑剔嘅處女座亦願意同巨蟹分享心事。兩人相處嘅時候總係會講八卦話題,但喺對方有需要嘅時候亦總係會俾有用嘅建議,絕對係一對玩又得,認真都得嘅知己好友。

#獅子座X射手座

霸氣嘅獅子座同直率嘅射手座一樣,都係愛追求自由!兩人可以唔受約束一齊癲,好好咁享受自由自在嘅快樂。難得可以揾到一個願意一齊挑戰各種新鮮事小伙伴,就自然會成為好閨蜜啦!

#天蠍座X山羊座

呢兩個星座都係非常敏感,而且好識點樣隱藏自己嘅內心。所以佢地可以輕易咁了解彼此壓抑喺心底嘅真實情緒,一旦成為交心好友,就打風都打唔散!最緊要係佢地互相信賴,咁就當然係可以友誼永固啦!

#白羊座X水瓶座

白羊同水瓶同樣愛追求自由,又有我行我素嘅一面,真係非常合拍!最重要嘅係佢地都喜歡追求新鮮事物,彼此嘅存在令到生活分外精彩豐富,仲可以鼓勵對方一齊追求夢想。

#金牛座X雙魚座

呢對南轅北轍嘅星座嘅互補性格令佢地可以成為最佳閨蜜,穩重踏實嘅金牛座可以彌補雙魚座嘅不切實際。而且雙方對會靜心聆聽對方嘅心事,金牛明白雙魚嘅多愁善感,雙魚嘅敏感能察覺金牛封閉嘅內心世界。互懂對方令佢地嘅友誼堅不可摧!

#雙子座X天秤座

多變嘅雙子座時常都有稀奇古怪嘅諗法,而天秤嘅隨和性格就能輕易接受雙子嘅妙想天開。其實天秤喺開朗外表下,亦都神秘嘅一面,令人想一探究竟,某程度上同善變嘅雙子都好相似咖!