有數計:調查顯示男人覺得女人愈少化妝愈靚

女為悅己者容,為咗靚靚咁出街,女仔化妝已經係必然,而且目前化妝品咁厲害,好多所謂「裸妝」嘅出現,務求令人覺得好似無化妝!其實女士們咁鍾意化妝,覺得化妝之後嘅自己更有自信更靚,都無可厚非,但大家又有冇從男士角度出發呢?男士又覺得女士化妝好唔好呢?

根㯫英國Bangor大學一研究調查訪問,有關男人、女人點睇化妝,結果顯示幾乎清一色女受訪者認為女人化妝濃度,係同吸引力成正比,即係愈隆重愈重手,就愈得到男人歡心;但原來男性角度係完全另一回事!男受訪者話,女人愈少妝,反而愈吸引,平均計女性應該比目前少化40%妝先叫合理!

其實男人之所有有咁嘅答案,唔難推斷係因為曾經被化妝嘅女人Fake過,所謂「化妝即喬裝」,好多女人落咗妝係完全第二個樣,所以男人其實想女人唔化妝,起碼清約無添加,絕不會貨不對辦先啦!唔鍾意化妝,喜歡素顏嘅女士們,其實你是最漂亮的你知道嘛?