有數計:人類極限跑100米可以幾快?科學家計畀你睇

100米飛人,大家都會稱呼為「世界上跑得最快嘅人」,牙買加嘅保特就係呢位飛人,目前世界紀錄9秒58都一直由佢保持,並且接近10年時間都未被打破。好多人會諗,究竟幾時再會加破呢個紀綠,究竟人類可唔可以愈跑愈快呢?

科學家透露,根據人類嘅骨骼及肌肉,其實有能力跑得更快,100米嘅極限,相信會係5秒!即係比9秒58再快近一倍!當然呢個只係科學上嘅推測,實際上人類仍然要經過大量訓練,加上要完全了解人體構造再按最適合嘅比例去發展肌肉先可以得到呢種爆炸力,科學家認為除非係基因改造,否則好難可以如此完美,所以短期內幾十年都無可能有5秒呢個成績。當然隨住跑鞋、跑道變得愈嚟愈好,人類亦會好快打破紀錄,等待嘅只係下一位保特。