有數計:凍到震都可以當運動 具減肥作用!

一到冬天,人人都懶落嚟,連運動都懶做,仲掛住食,想唔肥都難!不過原來冬天係一個對減肥好有幫助嘅時間,大前題係你要著少啲衫!

根據美國衛生研究院最近嘅研究,人體一旦處於15度或以下嘅情況時,如果無足夠保暖就會開始打震,而呢個過程係因為肌肉開始收縮。而當人體打震之時,會排出兩種荷爾蒙,可以將身體內嘅脂肪轉變為燃燒熱量,以令身體不致失溫,因此等如有消脂作用!研究院話打震15分鐘,相等於做1個鐘運動!不過如果要凍到打震咁等15分咁辛苦,倒不如踏實啲出去做運動啦!