有數計:女性每日行7,500步 健康有大進步

現今科技發達,有好多電子儀器可以量度大家每日行咗幾多步。的確唔少研究都話雖然現代人未必可以每日抽30分鐘做運動;不過就算步行都一樣可以係一種好好嘅運動,但係大家又知唔知每日幾多步為之健康?如果行唔足又會點?

美國哈佛醫學院一項新研究就女性健康同每日步數做研究;用咗4年時間搵咗18,000位女士,計算佢哋每日步數同身邊健康指數。結果發現每日行少過4,400步嘅女性,死亡風險大增41%;另外只要行超過7,500步,健康情況大有改善,但再多嘅都唔會有影響;即係話行到7,500步就啱啱好,行得多都無咩用。其實如果大家有用開一啲有關步行嘅健康程式,通常都會寫8,000至8,500步係一日嘅標準;如今研究就話7,500步對女性就最完美,大家有睇的話,即係每日可以慳返成1,000步,唔使「白行」一趟。可惜今次研究只針對女性,唔知幾時會有男性嘅研究,或者只係針對老人家呢?