有數計:牛津統計 人一生最多只有5位好朋友?

現代人都會玩社交媒體,唔少人社交網體上嘅朋友多達一千幾人,少則都有幾百人;但實際上真係會聯繫嘅有幾多呢?

英國牛津大學心理學家Robin Dunbar就發表一項研究,向2,000幾位成年人調查,佢哋社交媒體上平均都有500至600位朋友。但最後發現,平均而言,最親密嘅好朋友只有5位、15位比較親密嘅朋友、50位普通朋友及150位認識嘅人。研究指好多人都以自己多社交媒體朋友而暗自高興,沾沾自喜,覺得自己人緣好、人脈關係好;但然而接近7成呢啲朋友都係同自己完全無接觸。不過同時有講多社交朋友嘅人士,會比少嘅人更樂意分享生活上嘅開心事;反而愈少社交朋友嘅人,會傾向分享負面、或者唔開心嘅事。